ՀՀ Արարատի մարզպետի աշխատակազմից տեղեկացնում են. 

 Արարատի մարզպետ Սեդրակ Թևոնյանը ՀՀ էկոնոմիկայի նախարար Գևորգ Պապոյանի և Արտաշատ համայնքի ղեկավար Կառլեն Մկրտչյանի հետ երեկ մարզպետի աշխատակազմում հանդիպել են մարզի բնակիչների հետ։

 Հանդիպման ընթացքում անդրադարձ է կատարվել պետական օժանդակության գործող ծրագրերին, ներկայացվել տնտեսության զարգացման առաջնահերթությունները։ 

Մարզպետն ու նախարարը պատասխանել են մասնակիցների հարցերին և տվել պարզաբանումներ։

Քննարկման ընթացքում ներկայացված առաջարկներն ու դիտարկումները արձանագրվել են՝ հետագա վերլուծության և հնարավոր լուծումների մշակման նպատակով։ Մի շարք հարցերի շուրջ ձեռք է բերվել պայմանավորվածություն կազմակերպել լրացուցիչ քննարկումներ համապատասխան ստորաբաժանումների հետ։

Հանդիպմանը մասնակցել են նաև «Գյուղատնտեսական ծառայությունների կենտրոն» ՊՈԱԿ-ի տնօրեն Գառնիկ Հովհաննիսյանը և տեղական ինքնակառավարման մարմինների ներկայացուցիչներ։