Արարատի մարզի քրեական ոստիկանները բացահայտել են ինքնաձիգից օդ կրակոցներ արձակած երիտասարդին. ՀՀ ՆԳՆ ոստիկանություն
Արարատի քրեական ոստիկանները հայտնաբերել են ինքնաձիգից կրակոցներ արձակած երիտասարդին
Հունվարի 5-ին սոցիալական ցանցում տեսահոլովակ էր շրջանառվել, որտեղ մի երիտասարդ ինքնաձիգից օդ կրակոցներ է արձակում:
Քրեական ոստիկանության Արարատի մարզային վարչության ծառայողները ձեռնարկած օպերատիվ-հետախուզական միջոցառումների արդյունքում պարզել են երիտասարդի ինքնությունը: Պարզվել է, որ Վեդի քաղաքի բնակիչ 19-ամյա երիտասարդը դեկտեմբերի 31-ին՝ ժամը 23.30-ի սահմաններում, իր պապի՝ Վեդիի Արցախի փողոցում գտնվող տան բակում նրա անվամբ հաշվառված «Սայգա» տեսակի ինքնաձիգից օդ կրակոցներ է արձակել:
Երիտասարդը ձերբակալվել և տեղափոխվել է Քրեական ոստիկանության Արարատի մարզային վարչություն։
Կազմված փաստաթղթերն ուղարկվել են նախաքննական մարմին:
- 22-01-2026 09:50
Էլեկտրաէներգիայի անջատումներ Արարատի մարզում հունվարի 22-ին
- 22-01-2026 09:37
