Մասիսի համայնքապետարանից հայտնում են. 

Մասիսի մանկապատանեկան ստեղծագործական կենտրոնում անցկացվող «Մասիսի համայնքապետի գավաթ» շախմատի մրցաշարը, որը կազմակերպվել էր Մասիսի համայնքապետարանի կողմից՝ Արարատի մարզի շախմատի ֆեդերացիայի և Հայաստանի շախմատի ակադեմիայի հետ համատեղ, հասավ իր ավարտին։

Լարված ու թեժ պայքարի արդյունքում որոշվեցին լավագույնները, ովքեր արժանացան Մասիսի համայնքապետի կողմից սահմանված մրցանակներին։

Մրցաշարի փակման արարողության ընթացքում ներկաներին ողջունելով և շնորհավորելով՝ Մասիս համայնքի ղեկավար Նորայր Հակոբյանը կարևորեց շախմատ մարզաձևի դերը երիտասարդների մտավոր զարգացման, տրամաբանական մտածողության ձևավորման և նպատակասլացության ամրապնդման գործում՝ ընդգծելով, որ շախմատը ոչ միայն խաղ է, այլև կյանքի կարևոր հմտությունների դպրոց։

Ն. Հակոբյանը մրցաշարում լավագույնը ճանաչված մասնակիցներին պարգևատրեց մեդալներով և խրախուսական մրցանակներով։

Շնորհավորում ենք բոլոր մասնակիցներին և հաղթողներին՝ մաղթելով նորանոր հաղթանակներ ու հաջողություններ։