ՀՀ կառավարության 2026 թվականի ապրիլի 18-ի N 514-Լ որոշմամբ մեկնարկել է պարարտանյութերի ձեռքբերման աջակցության ծրագիր։

Ծրագիրը գործում է 2026 թվականի ընթացքում։

Մեկ շահառուի համար աջակցություն կտրամադրվի մինչև 30 հա հողատարածքի համար։ Պարարտանյութը տրամադրվում է սուբսիդավորմամբ. այսպես, եթե պարարտանյութի 50 կգ-ոց պարկի գինը 8000 դրամից բարձր է, տարբերությունը փոխհատուցվում է, յուրաքանչյուր պարկի համար մինչև 3000 դրամի չափով։

Մինչև մայիսի 12-ը կհրապարակվի մատակարարների ցանկը։

Ծրագրի շահառու համարվելու համար մինչև մայիսի 20-ը անհրաժեշտ է դիմել ձեր բնակավայրի վարչական ղեկավարին։

Անհրաժեշտ փաստաթղթեր՝

• անձը հաստատող փաստաթուղթ (անձնագիր կամ նույնականացման քարտ),

• հողամասի իրավունքը հաստատող փաստաթուղթ,

• համասեփականատերերի համաձայնություն (անհրաժեշտության դեպքում)։

 Պարարտանյութերի մատակարարումը կիրականացվի մինչև հուլիսի 15-ը՝ բացառապես հաստատված մատակարարների միջոցով։