Շնորհակալական ուղերձ՝ համայնքային ծառայությունների աշխատակիցներին. Նորայր Հակոբյան
Մասիս համայնքի սիրելի բնակիչներ,
Կրկին շնորհավորելով Ամանորի և Սուրբ Ծննդյան տոների առթիվ՝ ցանկանում եմ առանձնահատուկ երախտագիտություն հայտնել «Մասիս համայնքի կոմունալ տնտեսություն, բարեկարգում և կանաչապատում» ՀՈԱԿ-ի և Մասիսի համայնքապետարանի Կոմունալ տնտեսության և տրանսպորտի բաժնի աշխատակիցներին՝ տոնական օրերին 24-ժամյա ռեժիմով պատասխանատու ու նվիրումով աշխատանք իրականացնելու համար։
Ձեր շնորհիվ մեր համայնքը տոնական օրերին պահպանեց իր մաքուր տեսքը, իսկ բնակիչներն իրենց առօրյան շարունակեցին անվտանգ և հարմարավետ պայմաններում։ Ձեր աշխատանքը հաճախ անտեսանելի է, սակայն այն կարևոր ու անփոխարինելի դեր ունի համայնքի բնականոն կյանքի ապահովման գործում։
Շնորհակալություն եմ հայտնում ցուցաբերած պարտաճանաչության, համբերատարության և համայնքին ծառայելու պատրաստակամության համար։
Աշխատանքները շարունակվում են:
- 22-01-2026 09:50
Էլեկտրաէներգիայի անջատումներ Արարատի մարզում հունվարի 22-ին
- 22-01-2026 09:37
