Վեդու համայնքապետարանը սիրով հրավիրում է բոլորին մասնակցելու արդեն ավանդույթ դարձած «Վեդի համայնքի ամենամյա մրցույթ» սիրողական խճուղային հեծանվավազքի, պարանի ձգման և ձիավարության մրցաշարին, որն անցկացվում է Ուրցաձոր բնակավայրում։

Մրցաշարը մեկնարկել է 2022 թվականից և արդեն դարձել է սպասված մարզական իրադարձություն։ 2025 թվականից այն ընդլայնվել է՝ միջմարզայինից վերածվելով հանրապետական մրցույթի։

Մրցաշարի հիմնական նպատակը համայնքում սպորտի և առողջ ապրելակերպի խթանումն է, ֆիզիկական ակտիվության տարածումը, ինչպես նաև տարբեր սպորտաձևերի կարևորության բարձրացումը բնակչության շրջանում։

Միևնույն ժամանակ այն նպաստում է համայնքների միջև կապերի ամրապնդմանը, Վեդի համայնքի ճանաչելիության բարձրացմանը և նոր ընկերությունների ձևավորմանը։

Հայտնում ենք, որ մրցաշարը կկայանա մայիսի 2-ին։

Անբարենպաստ եղանակային պայմանների դեպքում հնարավոր է օրվա փոփոխություն։

Մրցաշարը տեղի կունենա Արարատի մարզի Ուրցաձոր բնակավայրի Ուրցաձոր–Շաղափ ճանապարհահատվածում՝ ժամը 10:00-ից։

Միջոցառման ընթացքում նախատեսվում է նաև համերգային ծրագիր՝ հայտնի երգչի, Վեդի համայնքի շնորհալի երեխաների և ստեղծագործական խմբերի մասնակցությամբ։