Զգուշացում․ «5G» անվան տակ նոր խաբեություն է տարածվում
ՆԳՆ ոստիկանությունից տեղեկացնում են, որ
զեղծարարները շարունակում են կիրառել «5G կապի» թարմացման անվան տակ գործող հափշտակությունների մեթոդը։
Զանգահարում են և ներկայանում որպես բջջային օպերատորի աշխատակից, համոզում են, թե անհրաժեշտ է հեռախոսում տեղադրել հատուկ հավելված (ծրագիր)՝ 5G կապն ակտիվացնելու կամ կարգավորելու համար:
Ծրագիրը տեղադրելուց հետո հանցագործները ստանում են ձեր հեռախոսի հեռակա կառավարման հնարավորություն, մուտք են գործում ձեր բանկային հավելվածներ և հափշտակում գումարը:
ԿԱՐԵՎՈՐ Է ՀԻՇԵԼ.
Երբեք մի՛ տեղադրեք անծանոթների կողմից առաջարկվող հավելվածներ։
Բջջային օպերատորները երբեք հեռախոսազանգի միջոցով չեն պահանջում տեղադրել կողմնակի ծրագրեր:
Կասկածելի զանգ ստանալիս անմիջապես անջատեք հեռախոսը և զանգահարեք ձեր օպերատորի պաշտոնական թեժ գծին:
- 21-04-2026 10:50
Էլեկտրաէներգիայի անջատումներ Արարատի մարզում ապրիլի 21-ին
- 20-04-2026 13:58
