2026թ. սուբվենցիոն ծրագրերը՝ հանրային քննարկման փուլում. Մասիսի համայնքապետարան
Մասիսի համայնքապետարանը տեղեկացնում է.
Այսօր Մասիսի համայնքապետարանում անցկացվեց համայնքի կողմից 2026 թվականի համար ներկայացված սուբվենցիոն ծրագիր-հայտերի հանրային քննարկումը։
Քննարկմանը մասնակցում էին համայնքապետարանի ոլորտային պատասխանատուներ, համայնքի ավագանու անդամներ, վարչական ղեկավարներ և բնակիչներ։
Ողջունելով ներկաներին՝ համայնքի ղեկավար Նորայր Հակոբյանը նշեց, որ ներկայացված ծրագրերը միտված են համայնքի բոլոր բնակավայրերում առաջնահերթ խնդիրների լուծմանը՝ ենթակառուցվածքների բարելավման, սոցիալական և տնտեսական զարգացման խթանման նպատակով։
Ծրագրերը մանրամասն ներկայացրեց համայնքապետարանի աշխատակազմի գլխավոր մասնագետ (զարգացման և ներդրումների գծով) Անգելինա Խաչատուրյանը, ով անդրադարձավ յուրաքանչյուր հայտի բովանդակությանը, ակնկալվող արդյունքներին և համաֆինանսավորման պայմաններին։
Ներկայացված ծրագրերում ընդգրկված են Մասիս համայնքի կազմում ներառված բնակավայրերի առաջնահերթ լուծում պահանջող խնդիրները։
Տեղեկացնենք, որ ՀՀ կառավարության կողմից իրականացվող համայնքների տնտեսական և սոցիալական ենթակառուցվածքների զարգացմանն ուղղված սուբվենցիոն ծրագիրը համայնք-պետություն հորիզոնական համագործակցության արդյունավետ ձևաչափ է։
Կախված ծրագրի ոլորտից, առանձնահատկություններից, աշխարհագրական դիրքից և տվյալ համայնքի սոցիալ-տնտեսական իրավիճակի վրա ազդեցությունից՝ պետական բյուջեից համաֆինանսավորվում է համայնքների ենթակառուցվածքների զարգացմանն ուղղված ծրագրերի ընդհանուր արժեքի որոշակի տոկոսը։
Քննարկման ընթացքում Ն. Հակոբյանը պատասխանեց հնչեցված մի շարք հարցերի՝ ներկայացնելով ծրագրերի իրականացման հաջորդականությունն ու վերահսկողության մեխանիզմները։
- 23-02-2026 09:37
Բացահայտիր Արարատը - Բերքանուշի Սուրբ Աստվածածին եկեղեցի
- 21-02-2026 09:37
Բացահայտիր Արարատը - Լանջառի Կիկլոպյան ամրոց . Անառիկ հնություն
- 23-02-2026 10:50
