Արարատի մարզպետ Սեդրակ Թևոնյանի ուղերձը հայոց բանակի կազմավորման 34-ամյակի աժիթով. ՀՀ Արարատի մարզպետի աշխատակազմ
«Սիրելի հայրենակիցներ,
Այսօր նշում ենք մեր պետականության կարևորագույն հիմնասյուներից մեկի՝ Բանակի կազմավորման 34-րդ տարեդարձը։
Տարիների ընթացքում հայոց բանակն անցել է ձևավորման, կայացման և զարգացման բարդ ուղի՝ մշտապես կանգնած լինելով մեր անկախ պետականության պահպանման խնդրի առաջ։
Այսօր զինված ուժերում իրականացվում են մեծածավալ բարեփոխումներ, որոնք միտված են առավել մարտունակ և հզոր բանակի ստեղծմանը։
Բանակի ամրապնդումը համազգային պատասխանատվություն է, որը պահանջում է պետական մարմինների, հասարակության և յուրաքանչյուր քաղաքացու համատեղ ու հետևողական աջակցությունը։
Խոնարհվում եմ Հայրենիքի պաշտպանության համար իրենց կյանքը զոհաբերած զինվորների և սպաների հիշատակի առաջ, արժևորում և շնորհակալություն հայտնում զինված ուժերում ծառայություն իրականացնող բոլոր զինծառայողներին՝ իրենց պատասխանատու և պատվաբեր ծառայության համար։
Մաղթում եմ խաղաղություն, անվտանգություն և կայուն զարգացում մեր երկրին։
Փա՛ռք Հայոց բանակին»։
