Աշխատանքային հանդիպում Գետափնյա բնակավայրում․ քննարկվեցին խնդիրներն ու զարգացման ծրագրերը. Մասիսի համայնքապետարան
Մասիս համայնքի ղեկավար Նորայր Հակոբյանի հերթական այցի վայրը Գետափնյա բնակավայրն էր։
Գետափնյան Մասիս համայնքի այն միակ բնակավայրն է, որ ի թիվս մի շարք խնդիրների, չունի նաև մանկապարտեզ, դպրոց։
Եվ, բնականաբար, բնակիչներին հետաքրքրում էր նաև այս հարցերի պատասխանը։
Պատասխանելով բնակիչներին մտահոգող հարցերին` համայնքի ղեկավարը ներկայացրեց նաև առաջիկայում նախատեսվող ծրագրերը։
Ն. Հակոբյանը տեղեկացրեց, որ բնակավայրում կառուցվելու է մանկապարտեզ, ինչը կարևոր քայլ է լինելու բնակավայրում նախադպրոցական կրթության հասանելիության ապահովման ուղղությամբ։
Համայնքի ղեկավարը նաև անդրադարձավ բնակավայրում առկա այլ խնդիրներին՝ նշելով, որ դրանք գտնվում են համայնքապետարանի ուշադրության կենտրոնում և փուլ առ փուլ կգտնեն իրենց լուծումը՝ համայնքային բյուջեի և պետական աջակցության ծրագրերի շրջանակում։
Բնակիչները կարևորեցին համայնքի ղեկավարի այցը, տեղում քննարկումների ձևաչափը և արդեն իրականացված աշխատանքները՝ ընդգծելով, որ նման հանդիպումները նպաստում են խնդիրների արագ արձագանքմանը և փոխադարձ վստահության ամրապնդմանը։
