​Խոսրովի արգելոցի թանգարանը ոչ միայն տեղեկատվական կենտրոն է, այլև տարածաշրջանի լավագույն էկո-կրթական վայրերից մեկը:

Թանգարանը բացվել է 2014 թվականին՝ Կովկասի բնության հիմնադրամի (CNF) և Գերմանիայի զարգացման բանկի (KfW) աջակցությամբ։ Այն կառուցվել է արգելոցի կենսաբազմազանությունը պաշտպանելու և զբոսաշրջիկներին կրթելու նպատակով։

Թանգարանի ցուցանմուշները թույլ են տալիս տեսնել այն ամենը, ինչը դժվար է նկատել արշավի ժամանակ.

.Արգելոցի բնակիչների (բեզոարյան այծ, հայկական մուֆլոն, գորշ արջ, վարազ) իրական չափերի խրտվիլակներ և կմախքներ: Հատուկ տեղ է հատկացված լեգենդար կովկասյան հովազին:

.Տեղեկություն 1500-ից ավելի բույսերի մասին, որոնցից շատերը գրանցված են Կարմիր գրքում:

.Գիհու և կաղնու հնամենի անտառների պատմությունը:

Արգելոցի ստեղծման ժամանակագրությունը՝ 4-րդ դարի Խոսրով Բ Կոտակ թագավորից մինչև մեր օրեր: Տարածքում գտնվող վանքերի (Աղջոց, Հավուց Թառ) և Կաքավաբերդի մանրակերտերը։

Սա միակ վայրն է, որտեղից կարող եք.

​Ստանալ թույլտվություն/տոմս՝ արգելոցի պահպանվող գոտիներ մտնելու համար:
​Պատվիրել ուղեկցորդ (էկոտեսուչ), ով կուղեկցի ձեզ անվտանգ երթուղիներով:
​Դիտել ֆիլմեր արգելոցի մասին թանգարանի դահլիճում:

Տեղակայումը`Արարատի մարզ, գ. Գառնի, Գ. Մաշտոցի փողոց, 7

 Թանգարանի աշխատանքային ժամերն  են`  09:00 - 18:00 (երկուշաբթի-ուրբաթ, հաճախ նաև շաբաթ-կիրակի՝ սեզոնին):

Խորհուրդ է տրվում նախքան ջրվեժներ կամ վանքեր բարձրանալը, անցնել թանգարանով: Դա կօգնի ավելի գիտակցված և հետաքրքիր դարձնել  քայլարշավը:

Կորդինատները 40.119747°N, 44.743153 °E