Արարատի մարզի Կոտուց լեռը (երբեմն անվանում են նաև Կուտուց)  Գեղամա լեռնաշղթայի հարավային ճյուղավորումների ամենատպավորիչ գագաթներից մեկն է։

Լեռան գագաթը գտնվում է ծովի մակերևույթից 2061 մ բարձրության վրա։

Լեռն ունի հրաբխային ծագում։ Այն աչքի է ընկնում իր կոնաձև տեսքով և զառիթափ, ժայռոտ լանջերով, ինչը նրան տալիս է ավելի բարձր լեռան տեսք, քան իրականում կա։

Կոտուցը շատ հայտնի է արշավականների շրջանում, հատկապես գարնանը և ուշ աշնանը։

Միջին բարդության վերելքը  սովորաբար սկսվում է Լանջանիս գյուղից։ Լանջերը բավականին թեք են, ինչը պահանջում է որոշակի ֆիզիկական պատրաստվածություն

Լեռան լանջերից Արարատի տեսարանը համարվում է լավագույններից մեկը Հայաստանում։

Լեռը զուրկ է անտառներից, սակայն գարնանը ծածկվում է վայրի ծաղիկների և էնդեմիկ բույսերի գորգով։

Կոտուցի տարածքը հարուստ է նաև հնագիտական շերտերով. այստեղ հայտնաբերվել են բրոնզեդարյան ամրոցների և բնակատեղիների հետքեր, ինչը փաստում է, որ լեռը ռազմավարական և հոգևոր նշանակություն է ունեցել հազարամյակներ շարունակ։

Կոտուց լեռը գտնվում է Հայաստանի Արարատի մարզում՝ Գեղամա լեռնաշղթայի հարավ-արևմտյան լանջին, Լանջանիս գյուղից մոտ 3 կմ հյուսիս-արևելք։

Կոորդինատներ`39.9483° N, 44.9189° E