Մարզպետ Սեդրակ Թևոնյանն ու նախագահ Վահագն Խաչատուրյանը Պարույր Սևակում ծանոթացել են նորակառույց դպրոցի և թաղամասի պայմաններին. ՀՀ Արարատի մարզպետի աշխատակազմ
Մարզպետ Սեդրակ Թևոնյանը Հանրապետության նախագահ Վահագն Խաչատուրյանի հետ այցելել է Պարույր Սևակ բնակավայրի նորակառույց դպրոց, ծանոթացել կատարված աշխատանքներին, ինչպես նաև դպրոցի շենքում տեղակայված նախակրթարանի հնարավորություններին:
Նախագահը դրական է գնահատել կառավարության կողմից առաջ մղվող դպրոցաշինական ծրագրերը և կարևորել նոր հայեցակարգով կառուցվող դպրոցների նշանակությունը կրթության որակի բարձրացման գործում:
Պարույր Սևակ բնակավայրում մարզպետն ու նախագահը այցելել են նաև նորակառույց թաղամաս, ծանոթացել բնակարանային պայմաններին:
