Մասիսի համայնքապետ Նորայր Հակոբյանի շնորհավորական ուղերձը բանակի օրվա առթիվ. Մասիսի համայնքապետարան
Սիրելի՛ հայրենակիցներ,
Հունվարի 28-ը խորհրդանշական օր է հայ ժողովրդի համար․ այսօր նշում ենք Հայոց բանակի օրը։
Կազմավորվելով մեր երկրի համար դժվարին ժամանակահատվածում՝ հայկական բանակը ոչ միայն կայացավ, այլև կերտեց հաղթանակներ՝ նոր էջ բացելով հայոց պատմության մեջ և դառնալով մեր պետության անվտանգության ամուր հենասյունը։
Հայ զինվորները միշտ էլ պայքարել են հերոսաբար` քաջ գիտակցելով, որ իրենց է վստահված հայրենի հողը պաշտպանելու առաքելությունը։
Վստահ ենք՝ գալու է այն օրը, երբ մեր բանակը կրկին կլինի հաղթանակած՝ վերականգնելով իր երբեմնի փառքն ու արժանապատիվ տեղը։
Այս օրը խոնարհվում ենք հանուն հայրենիքի իրենց կյանքը զոհաբերած մեր հերոսների անմար հիշատակի առաջ և խորին երախտագիտություն հայտնում բոլոր նրանց, ովքեր այսօր էլ պատվով ծառայում են հայրենիքին՝ ամուր պահելով մեր սահմաններն ու ապահովելով մեր ժողովրդի խաղաղությունը։
Այսօր առավել քան երբևէ պետք է լինենք համախմբված ու միասնական՝ հանուն մեր նահատակների հիշատակի, հանուն գալիք սերունդների։ Պետք է ապրենք այն համոզմամբ, որ անկախ ամեն ինչից՝ մեր անկախության ու անվտանգության գլխավոր երաշխիքը, պետականության գոյության ամուր հիմքը եղել և մնում է ուժեղ հայկական բանակը։
Փա՛ռք Հայոց բանակին։
Փա՛ռք մեր զինվորին, - նշել է համայնքի ղեկավարը։
- 23-02-2026 09:37
Բացահայտիր Արարատը - Բերքանուշի Սուրբ Աստվածածին եկեղեցի
- 21-02-2026 09:37
