Պահպանելով արդեն ձևավորված ավանդույթը՝ տարեմուտի շեմին խրախուսանքի արժանացան համայնքի ներկայացուցիչ մարզիկներն ու մարզիչները՝ տարվա ընթացքում սպորտի ոլորտում արձանագրած բարձր արդյունքների, ցուցաբերած նվիրվածության և համայնքի մարզական կյանքի զարգացման գործում ունեցած ավանդի համար:

Ողջունելով ներկաներին՝ Մասիս համայնքի ղեկավար Նորայր Հակոբյանն ուրախությամբ արձանագրեց, որ համայնքի բազմաթիվ մարզիկներ տարվա ընթացքում պատվով են ներկայացրել մեր երկիրն ու Մասիս համայնքը՝ արժանանալով հաղթողի դափնիների: Նա հավելեց, որ գրանցված հաջողությունները կարևոր խթան են սպորտի զարգացման և առողջ ապրելակերպի խրախուսման ճանապարհին։

Համայնքի ղեկավարը վստահեցրեց, որ Մասիսի համայնքապետարանը շարունակելու է աջակցել տարբեր մարզաձևերի զարգացմանը և շնորհավորեց Ամանորի ու Սուրբ Ծննդյան տոների առթիվ: