Այսօր Մասիսի համայնքապետարանում էին հավաքվել համայնքում գործող պարային խմբերի ղեկավարները, պարուսույցներ։

Ողջունելով պարի նվիրյալներին՝ համայնքի ղեկավար Նորայր Հակոբյանը բարձր գնահատեց նրանց կատարած աշխատանքը և շնորհակալություն հայտնեց տարվա ընթացքում համայնքային միջոցառումներին ակտիվ մասնակցության համար։

Պարարվեստի զարգացման գործում կատարած աշխատանքի, երիտասարդ սերնդի գեղագիտական դաստիարակության,

ստեղծագործական նվիրվածության և համայնքային միջոցառումներին ակտիվ մասնակցության համար պարային խմբերի ղեկավարներն ու պարուսույցներն արժանացան խրախուսական նվերների։

Համայնքի ղեկավարը հույս հայտնեց, որ համագործակցությունը կլինի շարունակական և համտեղ կյանքի կկոչվեն նորանոր ծրագրեր։

Ներկաները կարևորեցին համայնքապետարանի կողմից ցուցաբերած աջակցությունը, ինչը էապես նպաստում է ոլորտի զարգացմանը։