Հարութ Մաքսիմի Հակոբյանը ծնվել է 1997 թվականին Արարատի մարզի Ավշար գյուղում։ Նա սովորել և ավարտել է հայրենի Ավշար գյուղի հիմնական դպրոցը։

2015 թվականի հուլիսի 30-ին Հարութը զորակոչվել է հայկական բանակ՝ անցնելով զինվորական ծառայության։

Նա Հայաստանի զինված ուժերի և Արցախի Հանրապետության Պաշտպանության բանակի նախկին զինծառայող էր։

​Ցավոք, նրա ծառայությունը կարճ տևեց։ 2015 թվականի սեպտեմբերի 25-ին, ժամը 17:30-ի սահմաններում, ադրբեջանական զինուժի կողմից թուրքական արտադրության TR-107 կայանքներից հրթիռահրետանային արկակոծման հետևանքով Հարութը զոհվեց։

Դեպքը տեղի է ունեցել Պաշտպանության բանակի հյուսիսարևելյան ուղղությամբ տեղակայված զորամասերից մեկի պահպանության տեղամասում։

Հարութի հետ միասին զոհվել են նաև նրա ծառայակից ընկերները՝ Նորայր Միքայելի Խաչատրյանը (ծնված 1995 թ.), Ռոբերտ Սուրենի Մկրտչյանը (ծնված 1995 թ.) և Կարեն Գևորգի Շահինյանը (ծնված 1997 թ.)։

​Արցախի նախագահ Բակո Սահակյանի հրամանագրերով զոհված զինծառայողները հետմահու պարգևատրվել են «Մարտական ծառայություն» մեդալով։

Նույն միջադեպի ժամանակ վիրավորում են ստացել Ստեփանյան Արգիշտին և Թաթուլը, ընդ որում՝ Թաթուլը սնայպերի բեկորային վնասվածքի հետևանքով դարձել է հաշմանդամ։