2026 թվականի փետրվարի 15-ից վերսկսվել է գյուղատնտեսության ապահովագրության ծրագիրը, - այս մասին հայտնել է ՀՀ էկոնոմիկայի նախարար Գևորգ Պապոյանը։

Կարկուտի, գարնանային ցրտահարության, երաշտի դեպքում 2026 թվականի գյուղատնտեսական տարվա համար ապահովագրվում են հետևյալ մշակաբույսերը.

. Ծիրան, խաղող, խնձոր, դեղձ, սալոր, բալ, կեռաս:

. Հատիկավորներ`ցորեն, գարի, վարսակ:​

. Բոստանային`սեխ, ձմերուկ, կարտոֆիլ:

Կառավարությունը մասնակիորեն վճարում է ապահովագրավճարը ֆերմերների փոխարեն՝ հետևյալ համամասնությամբ.​

. 40% փոխհատուցում: Ծիրանի, ցորենի, գարու և վարսակի դեպքում:​

. 60% փոխհատուցում: Բոլոր մնացած նշված մշակաբույսերի դեպքում:

Ծրագրի շրջանակներում պայմանագրեր կնքելու համար կարող եք դիմել հետևյալ ընկերություններին.

1. ​Լիգա ինշուրանս
2. ​Սիլ ինշուրանս
3. ​Նաիրի ինշուրանս
4. ​Ռեգո ինշուրանս
5. ​Արմենիա ինշուրանս
6. ​ԷՖԵՍ ինշուրանս