Նորացված դպրոցներ Վարդաշենում և Հայանիստում՝ ուսուցման բոլոր պայմաններով. ՀՀ Արարատի մարզպետի աշխատակազմ
Արարատի մարզպետի տեղակալ Վլադիմիր Խաչատրյանը մարզպետի աշխատակազմի ներկայացուցիչների հետ այցելել է մարզի Վարդաշեն և Հայանիստ բնակավայրերի դպրոցներ, որոնք վերանորոգվել են ՀՀ կառավարության «300 դպրոց» ծրագրի շրջանակում։
Այցի ընթացքում նրանք շրջել են դպրոցների տարածքներում, տեղում ծանոթացել իրականացված շինարարական աշխատանքներին։
Քննարկվել են նաև կրթական գործընթացների կազմակերպման հետ կապված մի շարք հարցեր։
Կառավարության ֆինանսավորմամբ վերանորոգված այս երկու կրթական հաստատություններն արդեն իսկ ապահովված են ժամանակակից, կրթական պահանջներին համապատասխան շենքային պայմաններով, դպրոցներում առկա են նորացված մասնագիտական լաբորատորիաներ, լուսավոր ու անվտանգ դասասենյակներ, մարզադահլիճներ, ինչպես նաև այլ անհրաժեշտ ենթակառուցվածքներ։
Բացի այդ, կրթական հաստատությունները ապահովված են անհրաժեշտ գույքով հագեցված մարզադահլիճներով և խաղահրապարակներով։
- 07-12-2025 12:43
Դեկտեմբերի 7․ հիշողության, ցավի և հավերժ խոնարհման օր
- 07-12-2025 17:42
Էլեկտրաէներգիայի անջատումներ Արարատի մարզում դեկտեմբերի 8-ին
- 07-12-2025 09:37
Բացահայտիր Արարատը - Տիկնունի ամրոց (Թագավորի պալատ)
- 06-12-2025 10:39
