Արտաշատի համայնքապետարանից տեղեկացնում են, որ «Արտաշատ համայնքի մասնակցային բյուջետավորում-2026» գործընթացի շրջանակներում Արտաշատի համայնքի ակտիվ քաղաքացիների կողմից ներկայացվել են 9 ծրագրեր, որից հաղթող է ճանաչվել 6-ը։

Համայնքի բնակիչները մեծ ակտիվություն են ցուցաբերել քվեարկության ողջ ընթացքում:

Փետրվարի 24-ին կայացել է հանձնաժողովի ամփոփիչ նիստը:

Հաղթած ծրագրերն են՝
«Բազմաֆունկցիոնալ բացօթյա հանրային տարածքի ստեղծում Այգեզարդ բնակավայրում»-4385 ձայն /ներկայացրել է Վեռա Դավթյանը/

«Բազմաֆունկցիոնալ խաղահրապարակ Կանաչուտ բնակավայրում-4079 ձայն /ներկայացրել է Գուրգեն Նազարյանը/

«Սպորտային համալիր Այգեպատ բնակավայրում»-3755 ձայն /ներկայարցրել է Ռուզաննա Մանուկյանը/

Առողջ, գեղեցիկ միջավայր Դվին բնակավայրում-3472 ձայն /ներկայացրել է Լուսաբեր Եդիգարյանը

Բացօթյա մարզահրապարակի և հանրային զուգարանի կառուցում Լանջազատ բնակավայրում-2021 ձայն /ներկայացրել է Հովսեփ Իսպիրյանը/

Մանկական խաղահրապարակ և մեծահասակների համար խաղասենյակ Նարեկ բնակավայրում-2000 ձայն /ներկայացրել է Անահիտ Հարությունյանը/

Համայնքապետարանը շնորհակալություն  է հայտնում  բոլոր այն քաղաքացիներին, ովքեր համախմբվեցին գաղափարների շուրջ և իրենց ակտիվությամբ ապահովեցին մեծ մասնակցություն։

Շնորհավորում ենք  ծրագրերի հեղինակներին։

Հաջորդիվ համայնքապետարանը կսկսի հաղթած ծրագրերի նախագծանախահաշվային աշխատանքները: