Արտաշատի համայնքապետարանից հայտնում են. 

Կադաստրի կոմիտեի ղեկավար Սուրեն Թովմասյանը և համայնքի ղեկավար Կառլեն Մկրտչյանն այսօր համայնքապետարանում ընդունել են համայնքի  մի շարք քաղաքացիների։ 

Հանդիպման ընթացքում քննարկվել են համայնքի  կադաստրային քարտեզի ճշգրտման,  կադաստրային թաղամասերում հողամասերի  տեղադիրքի ուղղման առնչվող և մի շարք այլ հարցեր։ 

Քաղաքացիների բարձրացրած խնդիրների վերաբերյալ տրվել են համապատասխան պարզաբանումներ, իսկ առանձին դեպքերում՝ հանձնարարականներ՝ սահմանված ժամկետներում լուծումներ տալու նպատակով։

Կադաստրի կոմիտեի ղեկավարը կարևորել է քաղաքացիների հետ անմիջական շփումների դերը` ընդգծելով, որ դրանք հնարավորություն են տալիս լսել քաղաքացիների դիտարկումները, բացահայտել առկա  խնդիրները և ապահովել արդյունավետ  լուծումներ։

Համայնքի ղեկավարը շնորհակալություն է հայտնել պարոն Թովմասյանին` այցի համար և նշել,  որ ոլորտում իրականացվող բարեփոխումները  էականորեն նպաստում  են հադա​ամայնքում քաղաքաշինական ծրագրերի արդյունավետ իրականացմանը։