Արտաշատի համայնքապետարանը հայտնում է. 

Արտաշատի համայնքապետարանի նիստերի դահլիճում փետրվարի 10-ին կայացել է հանրային քննարկում՝  Արտաշատ համայնքի 2026 թվականի պետական բյուջեից սուբվենցիա ստանալու համար ներկայացված հետևյալ  2 ծրագրերի վերաբերյալ․

ՀՀ Արարատի մարզի Արտաշատ համայնքի բնակավայրերի փողոցների կառուցում, հիմնանորոգում և ասֆալտապատում։

ՀՀ Արարատի մարզի Արտաշատ համայնքի բնակավայրերի ոռոգման համակարգերի կառուցում, վերակառուցում և հիմնանորոգում։

Քննարկմանը մասնակցել են հասարակական կազմակերպությունների ներկայացուցիչներ, համայնքապետարանի աշխատակիցներ և գյուղական բնակավայրերի վարչական ղեկավարներ:

Համայնքապետարանի աշխատակազմի քաղաքաշինության և հողաշինության բաժնի գլխավոր մասնագետ Խորեն Հովակիմյանը ներկայացրել է վերոնշյալ ծրագրերը, ներկայացնելով նաև  դրանց հիմնավորումները և իրականացման ընթացակարգերը:

Ներկայացված նախնական առաջարկությունները հանգամանորեն քննարկվել են ներկաների կողմից: Հնչած առաջարկությունները արձանագրվել են ըստ անհրաժեշտության հետագա ծրագրերում ընդգրկելու նպատակով։