Մանկապարտեզների կառուցում և դպրոցի վերանորոգում՝ Կառլեն Մկրտչյանի աշխատանքային այցը. Արտաշատի համայնքապետարան
Համայնքի ղեկավար Կառլեն Մկրտչյանը ոլորտային պատասխանատուների և վարչական շրջանների ղեկավարների հետ այսօր հետևել է Կառավարության «300 դպրոց, 500 մանկապարտեզ» ծրագրով` համայնքի Այգեպատ, Մրգանուշ, Ջրաշեն, Լանջազատ, Բուրաստան բնակավայրերում կառուցվող մանկապարտեզների և Բաղրամյան բնակավայրում հիմնանորոգվող դպրոցի շինարարական աշխատանքների ընթացքին։
Համայնքի ղեկավարը դիտարկել է ընթացող աշխատանքների որակը, պատասխանատուներին հորդորել աշխատանքներն իրականացնել պատշաճ որակով և ողջ ծավալով։
Այգեպատ, Լանջազատ, Մրգանուշ և Բուրաստան բնակավայրերը նախկինում մանկապարտեզներ չեն ունեցել, Ջրաշենում երկար տարիներ չի գործել մանկապարտեզը։
Բնակավայրերի բնակիչները ոգևորվածությամբ են հետևում ընթացող աշխատանքներին,
նշում են` իրենց երկար տարիների ցանկությունն իրականանում է։
Մանկապարտեզները համապատասխանելու են ժամանակակից քաղաքաշինական ու նախակրթական պահանջարկի բոլոր չափանիշներին։
Հաջորդիվ համայնքի ղեկավարը դիտարկել է Բաղրամյան բնակավայրում վերանորոգվող դպրոցի աշխատանքները, որոնք մոտենում են ավարտին։
