Արտաշատի համայնքապետարանը հայտնում է. 

Մայրենի լեզվի միջազգային օրվա առթիվ միջոցառում է կազմակերպվել Դվին բնակավայրի <<Գրադարակում>>,   որը նպատակ ուներ  արժևորել հայոց լեզվի բացառիկ դերը մեր ազգային ինքնության, մշակույթի և հոգևոր ժառանգության պահպանման գործում։

Գեղագիտական կենտրոնի սաների կողմից հնչել են հայերեն գրված խոսքեր, բանաստեղծություններ ու երաժշտական կատարումներ՝ ստեղծելով ջերմ ու անկեղծ մթնոլորտ։ 

Օրը նշանավորվել է նաև Աբովյան բնակավայրում, որտեղ  տեղի մշակույթի տանը կազմակերպված միջոցառման ընթացքում մեկ անգամ ևս ընդգծվել է մայրենի լեզվի անփոխարինելի նշանակությունը սերունդների  կրթության և ինքնաճանաչման ճանապարհին։