Արտաշատի համայնքապետարանը հայտնում է.

Համայնքի ղեկավար Կառլեն Մկրտչյանի մոտ յուրաքանչյուր հինգշաբթի քաղաքացիների ընդունելության օր է։

Հերթական ընդունելության ընթացքում շուրջ երկու տասնյակ բնակիչներ դիմեցին համայնքի ղեկավարին՝ սոցիալական, կոմունալ–կենցաղային և քաղաքաշինական ոլորտներին առնչվող խնդիրներով։ 

Դիմումների մի մասին տեղում տրվեց համապատասխան ընթացք, իսկ լրացուցիչ ուսումնասիրություն պահանջող հարցերն արձանագրվեցին՝ օրենքի շրջանակում և սեղմ ժամկետներում լուծում տալու նպատակով։

Գիրք նվիրելու օրվա առթիվ համայնքի ղեկավարը շնորհավորեց ընդունելությանը մասնակցած քաղաքացիներին՝ նրանց նվիրելով  Թումանյանի ստեղծագործությունները։