Արարատի մարզի պատմամշակութային հարստությունների շարքում իր ուրույն ու խաղաղ անկյունն ունի Մարմարաշեն գյուղում գտնվող Սուրբ Գևորգ մատուռը։

Այս սրբատեղին տեղի բնակչության համար ունի կարևոր հոգևոր նշանակություն, իսկ դրա խնամքով ու պահպանությամբ սրտացավորեն զբաղվում է հուշարձանների պահապան Ս․ Ավետիսյանը։

​ Մատուռն ունի ավանդական քարե կառուցվածք՝ համադրված փայտե ճակատային տարրերով և երկթեք տանիքով, որի գագաթին վեր է խոյանում փոքրիկ ու գեղեցիկ զանգակատունը։

Կառույցը շրջապատված է կանաչապատ, խնամված բակով և ծառերով, ինչը հեռու է պահում քաղաքային աղմուկից և ապահովում է կատարյալ հանգստություն ու աղոթքի մթնոլորտ։

Մատուռի ներսում տեղադրված են բազմաթիվ պատկերներ, խաչեր, սրբապատկերներ ու հոգևոր գրականություն, որոնք բերվել ու նվիրաբերվել են հավատացյալների ու ուխտավորների կողմից։

Այստեղ տիրում է ջերմ, լուսավոր և հոգեպարար միջավայր, որտեղ յուրաքանչյուր այցելու կարող է վառել իր հավատքի մոմն ու գտնել հոգու խաղաղություն։

​Տեղակայումը՝ Հայաստանի Հանրապետություն, Արարատի մարզ, Մարմարաշեն գյուղ։

Կոորդինատները՝ 40.0544° N, 44.4661° E։

Լուսանկարը`Հուշարձանների պահպանության Արարատի մարզային ծառայության